वाघापूर, दि. २ (वार्ताहर) — पारगाव मेमाणे येथील विद्यार्थ्यांना ऑनलाइन ई-प्रणालीद्वारे आधुनिक पद्धतीने शिक्षण घेता यावे, यासाठी पारेखर विद्यालयातील बंद असलेले शैक्षणिक सॉफ्टवेअर पुन्हा सुरू करण्यासाठी अॅड. गणेश मेमाणे व त्यांच्या पत्नी दक्षता मेमाणे यांनी पुढाकार घेतला आहे.
अॅड. गणेश मेमाणे यांचे वडील कै. पांडुरंग मेमाणे यांच्या स्मरणार्थ सॉफ्टवेअरच्या नूतनीकरणासाठी लागणारी ३० हजार रुपयांची आर्थिक मदत त्यांनी शाळेला दिली. त्यामुळे विद्यार्थ्यांना पुन्हा ऑनलाइन ई-शिक्षणाच्या सुविधेचा लाभ घेता येणार आहे.
पारेखर विद्यालयात ऑनलाइन ई-प्रणालीद्वारे विद्यार्थ्यांना विविध शैक्षणिक उपक्रम आणि डिजिटल माध्यमातून शिक्षणाची सुविधा उपलब्ध होती. मात्र जून महिन्यापासून संबंधित सॉफ्टवेअर बंद असल्याने विद्यार्थ्यांना या सुविधेचा लाभ घेता येत नव्हता.
सॉफ्टवेअरचे नूतनीकरण केल्यानंतर पुढील तीन वर्षांसाठी विद्यार्थ्यांना ई-शिक्षणाची सुविधा उपलब्ध होणार आहे. यामुळे विद्यार्थ्यांना आधुनिक तंत्रज्ञानाच्या माध्यमातून शिक्षण घेण्यास मदत होणार आहे.
विद्यार्थ्यांच्या शिक्षणासाठी पुढाकार
यावेळी शाळा व विद्यार्थ्यांच्या शैक्षणिक गरजा लक्षात घेऊन ई-शिक्षण प्रणाली पुन्हा सुरू करण्यासाठी करण्यात आलेल्या मदतीचे उपस्थितांनी कौतुक केले.
यावेळी खजिनदार लक्ष्मण गायकवाड, तंटामुक्ती समितीचे माजी अध्यक्ष, अध्यक्ष महादेव मेमाणे, माजी सरपंच जितेंद्र मेमाणे, ग्रामपंचायत सदस्य विजय गाजुरे, सामाजिक कार्यकर्ते अशोक गायकवाड, शांताराम सावंत, नितीन गायकवाड, कैलास मेमाणे आदी उपस्थित होते.
यावेळी ३० हजार रुपयांचा धनादेश मुख्याध्यापिका श्रीमती कानगुडे यांच्याकडे सुपूर्द करण्यात आला.
छायाचित्र कॅप्शन:
पारगाव मेमाणे : ई-शिक्षण सॉफ्टवेअरच्या नूतनीकरणासाठी ३० हजार रुपयांचा धनादेश शाळेला सुपूर्द करताना मान्यवर.
स्रोत: वार्ताहर, संजीवनी न्यूज
